Baarish Ki Boondein

Visitor's picture

Ek khusboo aaee
Jab baarish ki boondon ne, dabe pau mitti ki diwaro ko chua,
Aur kaha dekh ab tu mahak uthega
Un diwaro ko tadap thi, us baarish ki boondon se milne ki
Dono ne ek saajish ki aur milkar hawao ke sang khela ek khel
Lekar purwaiya ko apne bahon mein chala duur aashmano mein
Aur deewar tha baitha akela, takta boondon ki rah
Par baarish ki boondein thi madhosh
Hawao ke saath chal padi suraj ki ore
Na maalum tha na ehasaas use, suraj dega jala use
Aur phir kya, suraj ke lapto ne mita diya baarish ki boondon ko
Par anjaan tha khada deewar, kar raha tha use baarish ki boondon ka intezaar
Kitne din gaye, kitne raatein par boondein wapas na aayein
Dhire dhire mitti ki parte hat-ti gayi
Bechara deewar tadap raha tha, din b din bhikhar raha tha
Par kya kare hil nahi sakta tha
Aur dhire dhire mil gayi woh mitti ke sang

Mausam badla baarish ne aankhein kholi
Soocha phir mil-aaye un deewaron se, phir maheka aaye use
Par dhoondh na saki boondein “apne deewar” ko
Kis-se jakar milti, tadap kar saansh toda usne bhi jami par
Aur mil gayi mitti ke sang


Author’s Note: This poem mainly emphasises on the need of water to the newly build wall. as the wall gets constructed it needs water regularly, but due to harsh sun, water gets dried quickly and wall doesn’t get water properly. ultimately the wall gets damgeded day by day…..and lastly it falls apart.

by: 
Anil Bhaskar
If you are the real author of this poem and would like to get this under your profile page, please contact us using the contact form with details.